ЭМЧИТ БЭРДЭ ЭБЭЭН КЫЫҺА

Егор Лаптев тыллара

Үөрэн-көтөн элэстэнэн,
Көрөн-истэн чэмэлийэн,
Үчүгэйкээн мөссүөннээххин,
Дьикти кэрэ бэйэлээххин.

Хос ырыата:

Эмчит бэрдэ эбээн кыыһа,
Эмчит бэрдэ эбээн кыыһа.

Күн дьонугар абыраллаах
Көмөлөргүн көрөн сөхтүм,
Айыылартан айдарыылаах
Албастаргар сүгүрүйдүм.

Хос ырыата.

Мин эйигин дьэрэкээннээх
Сир симэҕэр дьүөрэлээтим.
Ис-испиттэн иэйдэриилээх
Иһирэхтик сөбүлээтим.