ЭН КЭРЭ, МААНЫ КЫЫС

Егор Лаптев тыллара

Эн кэрэ, мааны кыыс күөгэйэ наскыйан
Бу ааһа хаамтыҥ дии, уулусса устунан.
Дьүһүннүүн-таҥастыын, туттардыын-хаптардыын
Үтүөҕэ угуйдуҥ бар-дьону барытын.

Истинтэн истиҥи, нарынтан нарыны,
Кэрэттэн кэрэни олоххо көрдүүбүн.
Ситэри үчүгэй сибэкки кыысчааны
Мэлдьитин, туохтан да мин таптыы көрөбүн.

Эргиччи тулатын кэрэнэн тунуйа
Бу ааста кыыс бэрдэ симэнэн-киэргэнэн.
Истэбит — үлэҕэ даҕаны дьулуйа
Холобур буоларын, кыайыыны ситиһэн.

Эн куба-мааны кыыс күөгэйэ-наскыйан
Бу ааһа хаамтаҕыҥ уулусса устунан.
Ырааттар ыраатта эн биһи ардыбыт...
Ырааһы, кэрэни сайыһа мин хааллым!