ДОМ ИНИ ДОМ! Печать    
Егор Лаптев тыллара

Өбүгэлэр үгэстэрин,
Үтүө-кэрэ өрүттэрин
Биһирээҥнин-үөрэтэҥнин
Билииҥ-көрүүҥ кэҥээн истин.

Хос ырыата:

Алгыс буоллун, дом ини дом,
Алгыс туоллун, дом ини дом!

Айыыларга, иччилэргэ
Үҥэн-сүктэн сүгүрүйээр.
Уоккар, уугар, ытык сиргэр
Аһы-үөлү бэлэх биэрээр.

Хос ырыата.

Аньыы, сэт-дьай эйигиттэн,
Аттыгыттан араҕыстын.
Оһол-ыарыы эрэйиттэн
Үрүҥ Айыы харыстаатын!

Хос ырыата.

Дьиэҕэр эйэ сып-сылааһа,
Истиҥ таптал олохсуйдун,
Дьоллоох олох кулукута —
Тойон сэргэҥ туругурдун!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).