УБАҺАЛАР Печать    
Егор Лаптев тыллара

Убаһалар,
Убаһалар —
Уйуһуйа сырсаллар,
Убаһалар,
Убаһалар —
Улааннар, тураҕастар.

Хос ырыата:

Миҥэ гынан
Миинээрибин
Биэбэйдиибин, көрөбүн.
Көлө гынан
Сүүрдээрибин
Көнтөстүүбүн, үүннүүбүн!

Кырпай маҥан,
Кылбаҥ манан
Кырса курдук ыраастар.
Тунал хаарга
Туман үөһэ
Тура тэбэн кыстыыллар.

Хос ырыата.

Хоочугурас,
Куучугурас
Тыастарын эн истээриий!
Обугурас,
Бобугурас
Уостарын эн сэргээриий!

Хос ырыата.

Кынтаҥнастар,
Кыыраҥнастар
Кыччыгыйкаан сылгылар,
Улаатаары,
Ат буолаары
Уоба-хаба тураллар.

Хос ырыата.

Сири сыллаан,
Сири таптаан —
Сиргэ бэчээт хаалларан,
Сүүрүҥ-көтүҥ,
Өрүкүһүҥ
Улаан, сиэр убаһалар!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).