0Ҕ0 СААСПЫН САНААТЫМ Печать    
Егор Лаптев тыллара

Оскуолаҕа үөрэнэр
Оҕо сааспын санаатым,
Оонньуур-ойор, мөккүһэр
Дьүөгэлэрбин аҕынным!

Учууталбыт кэпсээнин
Умсугуйан истэрбит,
Билии-көрүү дириҥин
Иҥэриммит эбиппит.

Хаарга ойуу түһэрэн
Чигди гына тэпсэрбит,
Күрэхтэһэн, көрүлээн
Мээчикпитин тэбэрбит.

Ырыа чыычаах ыллыыта
Ыраас, көнө хонууга
Үмүөрүһэн сырсарбыт,
Үөрэр-көтөр буоларбыт.

Оскуолаҕа үөрэнэр
Оҕо сааспын санаатым,
Оонньуур-ойор, мөккүһэр
Дьүөгэлэрбин аҕынным.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).