ТУПСА ТУР, СЫБААТАЙ! Печать    
Егор Лаптев тыллара

Номоххо хоһуллар улуукан
Осторуок Сатаба туһунан
Өбүгэм олоҕун чинчийэ,
Өй хаата дьоннордуун кэпсэтэ
Сыбаатай буорунан мин хаамтым,
Сырыыбын саҕалыыр кыахтанным.

Учуутал убайым барахсан
Үлэлээн түбүммүт бу сирэ,
Арахсар күнүгэр хараастан
Хоһоонун анаабыт бу сирэ —
Бу күндү Сыбаатай эбэккэм,
Бу кэрэ Сыбаатай эбэккэм!

Кыыс хотун үтүөтэ-кэрэтэ
Эйэҕэс көрүүтэ ититтэ,
Эриэкэс, ис киирбэх бэйэтэ
Эдэрбин, эрчиммин эргиттэ.
Бу сырдык сыдьаайдаах Сыбаатай,
Өлбөт эмп салгыннаах Сыбаатай!

Сүөкүлэ туһунан номоҕу
Мин айбыт, үөскэппит курдукпун.
Ол улуу аптаах кыыс дойдута —
Айылҕа быйаҥнаах туоната.
Сыбаатай, тупса тур, алгыыбын,
Сүрэхтэн сүүдүйэн алгыыбын!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).