КҮӨХ УНААР ХОДУҺАМ Печать    
Егор Лаптев тыллара

Күөгэйэн, саныаран
Күөх унаар ходуһам,
Көп-өлгөм от тахсан
Көрүстүҥ, ходуһам.

Бу манна күөрэгэй
Ырыата дьиэрэйэр,
Хонуубар дэлэгэй
Дьэдьэнэ тэтэрэр.

Ол онно оҕолор
Отоннуу сылдьаллар,
Оонньооннор ойоллор,
Олустаан ыллыыллар.

Кылбаҥныыр хотуурбун
Кылаанын таптайдым,
Кырачаан сиэн уолбун
Көтөхтүм, сыллаатым.

Мүөт сыттаах сып-сылаас
Салгыҥҥа хамсыыбын,
Өҥ-илгэ сымнаҕас
Күөх оту дайбыыбын.

Сыыбыргыыр, сырылыыр
Сып-сытыы хотуурум,
Тэлгэнэн хаалаахтыыр
Хоп-хойуу күөх отум.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".