МИН ИЙЭМ Печать    
Егор Лаптев тыллара

Эмиийиҥ үүтүнэн эмсэхтээн,
Иринньэх бэйэбин биэбэйдээн
Бу сири, халлааны көрдөрбүт,
Сүһүөхпэр туруоран сүүрдүбүт

Хос ырыата:

Мин ийэм, күн ийэм барахсан,
Мин ийэм, күн ийэм барахсан!

Эн миэхэ куруутун кыһаллан
Эрэйи көрөргүн таайабын.
Ыраата барарбар сайыһан
Ытыыргын аһына ахтабын.

Хос ырыата.

Эйиигин дьоллоору, үөрдээри,
Ыарыыгын чэпчэтэ түһээри
Алгыскын толоро сатыыбын,
Үтүөҕэ талаһа сылдьабын.

Хос ырыата.

Эн оҕоҥ, тапталлаах чыычааҕыҥ —
Эйиэхэ махтана ыллыыбын.
Олоҕум ырааһын, сырдыгын
Барытын эйиэхэ аныыбын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".