СИЭҤ КҮӨЛГЭ Печать    
Егор Лаптев тыллара

Ача күөхтүүр отторгунан
Айыы дьонун абырыыгын,
Ынаххынан, сылгыгынан
Ыраах, чугас сураҕырдыҥ.

Хос ырыата:

Сир ийэбит түннүгэ,
Үрүмэлээх үүт күөлэ –
Күндү, кэрэ Сиэҥ Күөлэ,
Дойдум миэнэ Сиэҥ Күөлэ!

Ааллыы устар саҕаххынан
Аатырыаххын аатыраҕын,
Сэмсии оонньуур балыккынан
Биһигини аһатаҕын.

Хос ырыата.

Чоройоохтуур очуостардаах
"Чоҕур Таала" манна баар,
Уон биир көс эргимтэлээх
Унаар-мэнээр киэҥ иэннээх

Хос ырыата.

Уйгу-быйаҥ күөх отуҥ
Унаарыйа уһуннун,
Уугар тыгар үрүҥ күнүҥ
Күлүмүрдээн көһүннүн!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).