УСТАР КЭРЭ АЛАҺЫАЙЫМ Печать    
Егор Лаптев тыллара

Булчут суолун курдук буолан,
Бугулдьуйан, токуруйан,
Тоҥ муус буору, тыаны тыыран,
Үгүс күөлү, сиэни тардан

Устар кэрэ Алаһыайым,
Олус таптыыр Алаһыайым.

Күлүмүрдүүр күнтэн күлбүт
Ыраас уута дьэрэлийбит,
Ото-маһа — хойдон үүммүт,
Оһуор-силик киэргэллэммит

Өрүсчээним Алаһыайым,
Өрүү кэрэ Алаһыайым.

Манна мааны кыыс-куолара
Кытылларын киэргэтэллэр,
Таптал уотун кыымын саҕан
Имнэнэрдии мичээрдииллэр.

О, мин таптыыр Алаһыайым,
Олус кэрэ Алаһыайым.

Талба таба, сылгы, ынах,
Күндү түүлээх, балык баайдаах,
Сайдар-үүнэр, чахчы дьоллоох
Саха, эбээн, нуучча дьонноох

Устар кэрэ Алаһыайым,
Олус таптыыр Алаһыайым!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).