ДЬҮКЭЭБИЛИМ УОТУГАР Печать    
Егор Лаптев тыллара

Дьүкээбилим уотугар,
Дьикти дьирим суһумар —
Кыраһанан сабыммыт,
Кылбаарыччы тарааммыт.

Хоту дойдум, көр, миэнэ
Хомураҕын киэҥ иэнэ
Сүүс өҥүнэн күлүмнүүр,
Сүүс аҥытык үҥкүүлүүр.

Хара саарба, үрүҥ эһэ,
Уоттаах саһыл суһумнуур.
Кырса буолан бөкүнүһэ
Кутуруга субуруҥнуур,

Ардыгар ол долгуннар
Тугут буолан сырсаллар...
Дьүкээбилим уотугар,
Дьикти дьирим суһумар —

Ийэ куппун, иэйэр дьолбун
Илэ туппут курдукпун,
Ыллыыр ырыам хас тыла
Сырбалдьыйа оонньуур тула!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".