НЬУРГУҺУННАР

Иннокентий Дмитриев тыла

Хара сир устун саас маҥнай
Хааман иһэр кэрэтиэн!
Сэрэммиттии аргыый аҕай
Сири көрөн иһэбин.

Халдьаайы устун тэтэрэннэр
Ньургуһуннар үүммүттэр,
Таптал курдук нарын, сэмэй,
Тыыннаах буолар эбиттэр.

Кэпсээҥҥэ киирбит кэрэтин
Кэрэхсээтим, таптаатым,
Ыраас, тырымныыр бэйэтин
Ылан түөспэр анньынным.

Номох буолбут саха кыыһын —
Ньургуһуну санаатым
Таптыыр кыыспар кини аатын
Иҥэриэхпин баҕардым.