НЬУРГУҺУННАР Печать    
Иннокентий Дмитриев тыла

Хара сир устун саас маҥнай
Хааман иһэр кэрэтиэн!
Сэрэммиттии аргыый аҕай
Сири көрөн иһэбин.

Халдьаайы устун тэтэрэннэр
Ньургуһуннар үүммүттэр,
Таптал курдук нарын, сэмэй,
Тыыннаах буолар эбиттэр.

Кэпсээҥҥэ киирбит кэрэтин
Кэрэхсээтим, таптаатым,
Ыраас, тырымныыр бэйэтин
Ылан түөспэр анньынным.

Номох буолбут саха кыыһын —
Ньургуһуну санаатым
Таптыыр кыыспар кини аатын
Иҥэриэхпин баҕардым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).