САҺАРҔА ТЫЛЛАРЫН КӨРӨӨРҮ Печать    
Саһарҕа тылларын көрөөрү
Сарсыарда эрдэлээн турарым,
Сибэкки ырыатын истээри
Түүн кытта утуйбат буоларым.

Хос ырыата:

Көрбүтүм саһарҕа тылларын,
Көмүс дуй халлааҥҥа кыыһарын,
Туох бары ол онтон үөрэрин,
Дьоллонон ырыаны ыллыырын.

Арай мин түһээбит сибэкким
Килбиктик тэтэрэ тыллыбыт,
Тапталтан иһийбит сүрэххэ
Алыптаах ырыатын ыллаабыт.

Хос ырыата.

Соҕотох мунчаара мин кылгас
Сайыҥҥы түүннэри барыырым,
Ол кэрэ сып-сырдык сибэкки
Мин суолбар көстүөҕүн көрдүүбүн.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).