Ырыа кырдала > Попов Григорий > ДЬОКУУСКАЙ КУОРАТЫМ
ДЬОКУУСКАЙ КУОРАТЫМ27 июля 2008, 22:19. |
Н. Дьяконов тыллара
Тус хоту кыраайым тулуурдаах дьоннорун Дьоллорун биһигэ – Дьокуускай куоратым. Сүүс омук бырааттыы сүбэтин түмэҥҥин Күн ахсын сайда тур, Дьокуускай куоратым! Хос ырыата: Бульваргар, садтаргар үөр чыычаах мунньустан Үөрүүгүн туойаллар, Дьокуускай куоратым. Өй-санаа күүһүнэн, үлүскэн үлэнэн Дохсуннук сайда тур, Дьокуускай куоратым. Алмааһыҥ, көмүһүҥ ахсаабат быйаҥын - Дойдуну байыттыҥ, Дьокуускай куоратым. Кэскилгин киэргэтэр тимир суол кэлэрин Долгуйа күүтэбин, Дьокуускай куоратым. Хос ырыата. Тус хоту кыраайым тулуурдаах дьоннорун Дьоллорун биһигэ – Дьокуускай куоратым. Сүүс омук бырааттыы сүбэтин түмэҥҥин Күн ахсын сайда тур, Дьокуускай куоратым! Хос ырыата. « Төттөрү |