КЫРДЬАҔАС Печать    
Виталий Власов тыллара, Григорий Попов мелодията

Килэмэн халлааммар көһүннэ
Хаар маҥан баттахтаах Кырдьаҕас,
Муус күөлбэр бытыгын көрүннэ —
Хараҕа сахалыы кыараҕас.

Хос ырыата:

Былыргы Аар Саха Оҕонньор
Хотугу түөлбэтин өҥөйдө,
Өрдөөҕү үйэлэр оһоннор
Төрөөбүт буоругар төҥкөйдө...

Тарбаҕын быыһыттан тыктылар
Уон араас сардаҥа көмүстэр,
Тоҥ хаартан сандаара быктылар
Уот кыһыл сардаана чөмчүүктэр.

Хос ырыата:

Кырдьаҕас биир кыра кыырпаҕа
Мин бэйэм буоларбын таайтарда,
Аар Тойон арчылыыр саппаҕа
Үөһэттэн ыйарын туойтарда...

Санаа тойуга:

Оо, Добун, киҥкиниир киэҥ Халлаан,
Кырдьарбар Эйиэхэ тиийдэрбиэн,
Оо, аргыый ээр-сэмээр, нап-наллаан
Көтөрбөр олоххо киирдэрбиэн!!!

1993 с.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).