КЫЫС ЫРЫАТА Печать    
Күннүк Уурастыырап тыллара

Чуумпу көмүс үрдүгэр
Турар дьиэтин түннүгэр
Гитаратын тыаһата
Кыысчаан ырыа ыллаата.

Ыраас уулаах үрэҕим
Ыраах устан кылбарый,
Оҕо туҥуй сүрэҕим,
Оргууй таалан ыларый?

Көрсүө, сэмэй сэгэттэй
Көрсө кэлиэх буолбута,
Экчи тиийиэм диэн этэ
Эрэннэрэ турбута.

Дьолбун булбут туллукпун,
Доҕоччукпун саната,
Тохтор көмүс дорҕоонун
Долгуһутууй, гитара.

Эппит тылын сэгэрим
Номнуо хайдах умнуоҕай?
Эдэр истиҥ биэбэйим
Туохтан кини тумнуоҕай?

Кэлиэ талах мутугар
Чыычаах нуктаан ылыыта,
Таастаах элгээн уутугар
Тырым сулус тыгыыта.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).