НУОРАҔАНА КИҺИТЭ Печать    
Иннокентий Сосин тыллара

Нуораҕана киһитэ,
Ньукулайым бэйэтэ
Сылгыларын үмүөрэ,
Сыһыылары кэрийэ
Арыылааҕы аттынан
Айаннатан аастаҕа,
Кыттаҕайы баһынан
Кынталдьытан бардаҕа.

Кэҥкэрэмэ тыатыгар
Кэҕэлэрдиин кэпсэтэн,
Чаачыгыйым сиһигэр
Чыычаахтардыын ыллаһан,
Кулуннарын аһатан,
Куруҥнары бысталаан,
Көйүүлэри иһинэн
Көтүтээхтээн эрдэҕэ.

Үөлүк-дьүөлүк түһүүтэ,
Үлэ күнэ бүтүүтэ,
Үөмэр-чүөмэр үктэнэн,
Үөрэн-көтөн кэлиитэ
Сырыы-айан баһыйан
Сылайбыта буолуо диэн
Сибиин күөрчэх ытыйан
Сэгэттэйбэр бэлэмниэм.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).