КЫТАЛЫКТАР Печать    
Е. Поликарпов тыллара

Сааскы киэһэ Дьөҥкүүдэни
Кыйа көтөр кыталыктар
Оҕо сааспар миигин эмиэ
Угуйдулар кыҥкыната.

Хос ырыата:

Кыталыктар, кыталыктар
Кылбаҥнаһар кынаттар,
Кыҥкыр-лыҥкыр ырыалар
Кыраһыабай кыталыктар.
Кылы-кылы, кылы-кылы кылыкынас,
Кылы-кылы, кылы-кылы кылыһахтар,
Кыырай халлаан кыргыттара,
Кыырай халлаан уолаттара.

Оонньоон ааспыт кырдалларбар
Түһэн ыһыах ыстылар,
Сөтүөлээбит ыраас уубар
Кынаттарын сууннулар.

Хос ырыата.

Саҕахтарга сиртэн тэйэр
Сааскы ньиргиэр тыаска холбоон,
Сылын аайы сайда турар
Дойдум дьонун хоһуйдулар.

Xос ырыата.

Хоту халлаан сөрүүн тыынын
Түөстэринэн көҥү тыыран,
Дьөҥкүүдэҕэ хонон-өрөөн
Кыталыктар дайдылар.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).