ТАБА КҮРЭҔЭ Печать    
Моисей Ефимов тыллара, Егор Поликарпов мелодията

Хоту сирбэр силлиэ түһэн
Хомураҕы ыспата,
Өрүс сүнньүн үрүҥ күдэн
Өрүкүйэн саппата.

Хос ырыата:

Хаары өрө бурҕачытан
Сырсар маҥан табалар
Туркуларын урбачытан
Туналыһа турдулар.

Ыраах-ыраах быраҕаттаан,
Атаралыы быыраттан
Тоҕо, туохха маннык ыксаан,
Тиэтэйдилэр буураттар.

Xос ырыата:

Атастарыам, дьиктиргээмэҥ,
Манна Дьааҥы биэрэгэр
Бырааһынньык курдук буолар
Быһый таба күрэҕэр.

Xос ырыата:

Ааты-суолу түһүмээри
Атаралыы быыраттар,
Элбэх көстөөх ыраах сиртэн
Эргиллэллэр буураттар.

Хос ырыата.

Алыс, алыс сэргии көрдүм,
Атастарыам, мин бүгүн
Хомурахтаах хоту дойдум
Хоһуун, сыыдам көлөтүн.

Xос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).