ЭН ЭРЭ КҮНДҮГҮН

З. Иванова тыллара

Амарах сүрэхтээх ийэбит барахсан,
Ахтабын эйигин истиҥник даҕаны,
Аастыйбыт баттахтаах ийэбит барахсан,
Наҥналлан тураҕын алаһа дьиэҥ ааныгар.

Ийэбит, эн эрэ кимтэн да күндүгүн,
Ийэбит, эн эрэ кимтэн да сылааскын.

Эн эрэ баар буолан күн сирин көрбүппүт,
Эйэлээх ыччаттар ааттарын ылбыппыт,
Эн эрэ биһиэхэ эрчими биэрэҕин,
Эрэллээх доҕорбут ийэбит буолаҕын.

Ийэбит, эн эрэ кимтэн да истиҥҥин,
Ийэбит, эн эрэ кимтэн да кэрэҕин.

Тапталлаах күн күбэй ийэбит биһиэнэ,
Төһө да кырдьаҥҥын саастарыҥ ырааттар.
Кып-кыра хатыҥыр, быыкаайык бэйэкэҥ
Күүстээх да, эрчимнээх санаалаах эбиккин

Ийэбит, эн эрэ биир сыалга тиэрдэҕин,
Ийэбит, эн эрэ күүс көмө буолаҕын.