СЭРГЭЛЭЭХ Печать    
Ф. Филиппов тыллара

Күлүү-үөрүү көҕүн тутан,
Күннүү күлэн мичилийэн,
Үрдүк үөрэх аанын аһан
Сэргэлээххэ ыччат түмсэр.

Хос ырыата:

Сэргэлээх, Сэргэлээх
Сэргэх сэмэй ыччаттаах.

Үөрэх-үлэ, билии-көрүү
Үрдүк суолун дабайаллар.
Хомус охсон, ыллаан-туойан
Хоту сири хоһуйаллар.

Хос ырыата.

Сааһын манна өссө кэрэ,
Саамал уоттаах күнүн уота,
Саха кыыһын ыраас имин
Сайа охсор сөрүүн тыал.

Хос ырыата.

Сэргэлээхпит уйа буолан,
Сылын ахсын куорсун анньар.
Сахам сирин сарсыҥҥыта,
Сайдар-сайдам ыччаттаах.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).