КЭПСИИ СЫЛДЬАР КЭЭЧИГИМ Печать    
К. Уткин тыллара

Көрөр күөххэ көҕүйэн,
Күлүм-дьирим күндээрэр,
Сарыал уоту сайынын
Сандаар кыымын ыһыахтыыр,
Быһый атах быыкайкаан
Быһыччакаан кыысчааным,
Ырай курдук ыраахтан
ЫҺыахтанар кыымчааным.

Кэрэ-нарын маанчааным,
Күөгэй-иэгэй кусчааным,
Күлэр-үөрэр күнчээним.
Кэпсии сылдьар Кээчигим.

Тутум атах туомайан
Туллуктана сылдьаахтыыр.
Илим курдук иилистэн
Илин-кэлин туһээхтиир,
Үрүҥ күнү ылаары
Үөрэ-дьүөрэ үктэмэр,
Көтөр чыычаах буолаары
Көҥүл босхо дайбанар.

Симэх оттуун сиэттиһэн
Сибэккилии тэтэрэр,
ОҺуор курдук ойуолаан
ОҺуокайы санатар.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".