УЛУУ КЫАЙЫЫ КҮНҮГЭР Печать    
Семен Капитонов тыллара

Ыам ыйын чаҕылхай халлаанын анныгар
Ньиргийэн биир ырыа тыллара тарҕанна.
Ол ырыа тыллара өй сүрэх ылларан
Эргиллэн кэлбэтэх саллааты аҕынна.

Хос ырыата:

Уруй буоллун Кыайыы күнэ!
Өспөт сүҥкэн кэриэс күнэ!
Айхал буоллун көҥүл күнэ!
Өлбүт герой тиллэр күнэ!

Барбыта ол буойун алааһын аатыттан
Кэнчээри ыччатын саргытын харыстаан.
Сүппүтэ кыргыс хаан толоонун уҥуордаан
Бу күнү түргэнник аҕалар баҕаттан...

Хос ырыата.

Уҥуоҕуҥ хаалбыта туора сир буоругар,
Олоҕуҥ салҕанар бар дьонуҥ дьолугар.
Дойдугар тапталыҥ төлөнө сандаарда,
Болуоссат аайытын аалай уот умайда.

Хос ырыата.

Махталлаах ыччаттар, чочумча, чуумпуран
Обелиск анныгар төбөнү төҥкөтүҥ!
Кыайыыны, эйэни уотунан уһааран
Эргиллэн кэллилэр өлбүттэр сэрииттэн.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).