КИНИ ХААЛБЫТА ХАРЬКОВ ТАҺЫГАР

И. Эртюков тыллара

Кини хаалбыта Харьков таһыгар,
Этиҥнээх таас куорат муннугар,
Дьон-норуот көҥүлүн туһугар,
Дьол, эйэ кыайарын туһугар.
Ийэтин түгэҕэр түһэрэр курдук,
Тоҥ сиргэ накыйан түспүтэ,
Хап-хара мичилийбит, сып-сырдык
Харахтарын аргыый саппыта.

Күннэр, ыйдар, сыллар ааһаллар,
Сир сааһыра майгылыа.
Арай дьон өрүү ахтыахтара -
Ити оҕо тыыннаах сылдьыаҕа.
Кини хаалбыта Харьков таһыгар,
Хорсун саллаат, саха оҕото,
Советскай Ийэ дойду туһугар
Улуу сэриигэ охтубута.

Кини охтубут сирин оннугар
Билигин чэлгийэ үүнэллэр
Илибирэс, күп-күөх иирэлэр
Ленатын кытылыттан бараннар.
Итиэннэ улахан куорат тыаһын
Иһиттэллэр даҕаны, куттаммакка,
Күөрэгэйдэр ол дойду күөх сааһын
Көрсө ыллыыллар уурайбакка.