СУЛУСТАР ВАЛЬСТАРА Печать    
М. Ефимов тыллара

Барыарда киэҥ Дьааҥы урсуна,
Налыйда дьалкыйар долгуна.
Дьэ, арай тыаһа суох түһэннэр,
Чаҕылхай сулустар түмсэннэр
Им-дьимҥэ сөтүөлээн эрэллэр,
Им-дьимҥэ дьиэрэҥкэй тэбэллэр.

Харбааннар кыымнара саҕаллар,
Умсаннар умуллан хаалаллар,
Кылбаҥнаан күөрэйэн кэлэллэр,
Тырымнаан күйгүөрэ күлэллэр,
Сүүрүгү таҥнары сырсаллар,
Сүүрүгү өксөйө усталлар.

Хараҥа түүлэй түүн барыгар
Сардаҥа кыырпаҕын ыһаллар,
Умайан кутаалыах курдуктар,
Сандааран аһара сырдыктар
Бу ыраах халлаантан ыалдьыттар,
Бу ыраас чөмчүүк таас сулустар.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).