УМНУЛЛУБАТ МАҤНАЙГЫ ТАПТАЛЫМ Печать    

М. Ефимов тыллара

Иһиттим эн манна кэлбиккин,
Тоҕо эрэ долгуйан ылабын -
Сүрэхтэн сүппэтэх эбиккин
Маҥнайгы мин тоҥуй тапталым.

Оҕо саас эҥкилэ суох ыраас,
Унаар күөх халлааным күөнүнэн
Көппүтүҥ, доҕоруом, эн ыраах
Кыталык курдук күөрэйэн.

Көппүтүҥ, эн көтө турбутуҥ,
Суругуҥ да кэлбэт буолбута.
Арай мин алыптаах тойугум
Ахтыы эрэйин туойбута.

Оҕо саас ол курдук ааһар дии...
Оттон мин хойутаан билбитим
Эн нарын илиигин эйэргии
Атын киһиэхэ биэрбиккин.

Аналбыт тус-туспа буоллаҕа.
Ааккын да ахтыбат буолбутум.
Ол күнтэн ыла, дьэ, бадаҕа,
Атын үөрүүнэн туолбутум.

Иһиттим эн манна кэлбиккин,
Долгуйан, хараастан ылабын -
Сүрэхтэн сүппэтэх эбиккин
Маҥнайгы мин туҥуй тапталым.




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".