КҮӨХ ТҮҮЛ Печать    
А. Григорьева тыллара

Нуһараҥ ыйдаҥа түннүкпэр
Чуумпутук долгунун кутара,
Түүн солко баттаҕын тараана,
Ийэлии нарыннык бигиирэ.
Түһүүрүм эриэккэс да түүлү
Абылаҥ, долгураҥ күөх түүҥҥэ,
Арылхай, чаҕылхай сибэкки
Мичээрдиир эйэҕэс күөх түүлүн.

Сарсыарда им сырдаан, сардаҥа
Түннүкпэр кылыҥкай ойуута,
Уйаҕас сибэкким эмискэ
Умуллан сарыалга сүппүтэ.
Сибэккиэм, эйигин сайыһа,
Былыкка мин кыайан көппөппүн,
"Төнүн", - диэн батыһа, ааттаһа
Көрдөһөр быраабым эмиэ суох.

Нуһараҥ ыйдаҥа түннүкпэр
Чуумпутук толбонун кутара,
Түүн солко баттаҕын тараана,
Ийэлии нарыннык бигиирэ.
Түһүүрүм эриэккэс да түүлү
Абылаҥ, долгураҥ күөх түүҥҥэ,
Арылхай, чаҕылхай сибэкки
Мичээрдиир эйэҕэс күөх түүлүн.

Оо, арай махтаныам эйиэхэ,
Сып-сырдык тырымнас киһиэхэ,
Ким эрэ анала алҕаска
Мин түүлбэр ыалдьыттаан ааспыккар.
Түһүүрүм эриэккэс да түүлү
Абылаҥ, долгураҥ күөх түүҥҥэ,
Арылхай, чаҕылхай сибэкки
Мичээрдиир эйэҕэс күөх түүлүн.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).