КОМСОМОЛУМ - МИЭХЭ

И. Харитонов тыллара

Ыҥырыылаах күҥҥэр
Ыксалынан кэлиэм,
Ыччаттардыын тэҥҥэ
Ытык тылгын истиэм.

Хос ырыата:

Комсомолум миэхэ
Кыһыл мандаат биэриэ,
Саллаат курдук санаан
Сорудахха ыытыа.

Улуу сирдьит Ленин
Силуэттаах билиэт
Төлөн түөспэр сыстан
Сүрэх буолан тэбиэ.

Хос ырыата.

Эрчим үлэ, үөрүү
Эркээйилээх сылдьыам,
Эдэр саастыын өрүү
Эҥэрдэһэн кырдьыам.

Хос ырыата.