КӨРДӨҺӨБҮН ТЫЫТЫМА Печать    
Христофор Горохов тыллара

Сөтүөлээбит оҕо курдук
Ньургуһуну тыытыма,
Сиргэ кэлбит кини сырдык
Дьолун туура тутума!
Чугас барыаҥ, ыраах илдьиэҥ,
Дьоһун дьиэҕэ туруоруоҥ,
Көнньүөрэҥҥин арыт сыллыаҥ
Уонна уунан утахтыаҥ.

Эрэнэбин көрүөҥ суоҕа
Сибэккиҥ мунчаарыытын,
Быһа тарпыт түгэҥҥиттэн
Кини кэхтэн барыытын.
Билиэҥ суоҕа туймаарыйан
Салгыны уймахтыырын,
Эстэн эрэр күүһүн түмэн
Таһырдьаны көрөрүн.

Билиэҥ суоҕа кини хайдах
Уулаах туман хараҕынан
Аһыллыбыт ытык сирин
Көрдөөн була сатыырын.
Сөтүөлээбит оҕо курдук
Ньургуһуну тыытыма,
Сиргэ кэлбит кини сырдык
Дьолун туура тутума!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).