КЭРЭ САНАА Печать    
В. Петров тыллара

Үргүүк санаа үрүмэччи маҥан атын –
Сааскы хонуу сиккиэр тыалын туттарбын,
Олох устун күлүүк санаа кынаттанан
Үүнэр күммэр уун-утары ойуттарбын!

Хос ырыата:

Дьөһөгөйүм оҕотун мин ойутуоҕум,
Үрүҥ сиэлин өрүкүтэ көтүтүөҕүм,
Уһун суолбар, аартыктарбар, санааларбар
Түөрт туйаҕын түөрт этиҥин түһэриэҕим!

Кэрэ санаа кэрэмэсчээн кэрэ атын –
Сааскы кырдал дьэргэлин туттарбын,
Олох устун сырдык санаа кынаттанан
Үрүҥ күммэр уун-утары ойуттарбын!

Хос ырыата.

Хорсун санаа тураҕасчаан сүүрүк атын –
Сааскы халлаан чаҕылҕанын туттарбын,
Олох устун модун санаа кынаттанан,
Үрдүк күммэр уун-утары ойуттарбын!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).