ДЬИЭРЭҤКЭЙИ ҮҤКҮҮЛЭЭ Печать    
В. Петров тыллара

Кырдалынан, сыһыынан,
Хатыҥ чараҥ быыһынан,
Сиккиэр тыаллыын сиэттиһэн
Сэгэйбэхтээн иһэн эн,
Сайылыгым кыысчаана,
Дьиэрэҥкэйи үҥкүүлээ.

Хос ырыата:

Оһуо-оһуо оһуокай,
Эһиэ-эһиэ эһиэкэй.

Күөрэгэйин ыллатан,
Көлүччэтин күллэрэн,
Хатыҥнарын наскытан,
Сирэм отун далбаатаан,
Ийэ сирим кыысчааным
Үҥкүүлүүрүн сэргиэҕэ.

Хос ырыата.

Оһуор дьарҕаа ыһыахха,
Оһуокайга, оонньууга,
Саҥа сырдык үйэҕэ
Саха нарын кыысчаана
Сайылыгым үҥкүүтүн —
Дьиэрэҥкэйи үҥкүүлээ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).