ТЫАЛЛААХ ТҮҮН

Аскалон Павлов тыллара

Күһүҥҥү тыаллаах тымныы хараҥа түүн
Иһирик ойуурга саһарбыт сэбирдэх суугунуу тохтор,
Мин соммор ыга сууланабын
Хатыҥҥа өйөнөн сэбирдэх ардаҕар чуҥкуйан туран.

Хос ырыата:

Мин ааспыт олоҕум сыллара
Сэбирдэх буолан түспүттэрэ бу сиргэ,
Ол онтон элбэх күһүн,
Ол онтон элбэх кыһын сүппүтэ.
Дьону кытта дьон курдук сылдьан
Билбэккэ да хаалабыт сатаан элбэҕи
Ону мин кыайан эппэт,
Ону мин кыайан туойбат эбиппин.

Күһүҥҥү тыаллаах тымныы хараҥа түүн
Сулустаах халлааҥҥа билэр сулусчааммын көрдүү сатыыбын,
Ол туран көрдүм сырдык умайар уот
Кый ыраах үөһэттэн субуллан түспүтүн сырдык сулуһум

Хос ырыата.