КӨҤҮЛ Печать    
Аскалон Павлов тыллара

Сүүс киһиэхэ сүгүрүйэн
Тоҥхоруҥнуох кэриэтэ
Бэргэн буулдьа аһылыга
Буолбут быдан, быдан ордук.

Сүүс омукка үтүрүллэн
Хам баттаныах кэриэтэ
Кырыктаахтык кыргыспыппыт
Быдан ордук, оннук, ордук.

Көҥүл! Көҥүл! Көҥүл!
Биһиэхэ күндү!
Көҥүл! Көҥүл! Көҥүл!
Биһиэхэ үрдүк!

Былаҕайга былдьаммакка,
Быстах суолу тутуспакка,
Хааччах суолу тумна куота
Сатаабыт быдан ордук, оннук, ордук

Олохпутун сөхсүнэммит,
Омукпутун сөргүтэммит,
Очуос тааска бары бииргэ
Ыттыбыппыт быдан ордук,
Оннук, оннук.

Көҥүл! Көҥүл! Көҥүл!
Биһиэхэ күндү!
Көҥүл! Көҥүл! Көҥүл!
Биһиэхэ үрдүк!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).