АЙАН КИhИТЭ Печать    
Аскалон Павлов тыллара

Күн саҕахха киириитэ, сөрүүн түһүүтэ,
Алаас сиккиэр суугуна арыый ааһыыта,
Арҕаа аартык диэкиттэн айан суолунан
Ахсым акка олорон киһи иһэрэ...

Кырдьа барбыт эр киһи кылгас да кэмҥэ
Кыырыктыйбыт чанчыга кыыһан көстөрө,
Кини уоттаах хараҕа өһөн эрэрэ,
Кини эрдээх сүрэҕэ тойук туойара,
Кини эрдээх сүрэҕэ тойук туойара...

Тойук улам улаатан, улам күүһүрэн
Эдэр эмньик санаабын эрбээн киирбитэ,
Ааспыт олох аһыытын, санаа баттыгын
Ытыы-соҥуу иэйбитин мин истибитим,
Ытыы-соҥуу иэйбитин мин истибитим...

Ким билиэй ханнык киһи кэлэн ааспытын?
Туох билиэй ханна тиийэн дьолун булбутун?
Илин аартык суолунан айан киһитэ
Санньыар тойук аргыстаах тахсан барбыта,
Санньыар тойук аргыстаах тахсан барбыта,
Санньыар тойук аргыстаах тахсан барбыта...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).