БУ ОРТО ХАЛЫМА КУОРАППЫН Печать    
Егор Лаптев тыллара

Халыма өрүһүм биэрэгэр
Түҥ былыр күн-дьолун алҕааннар,
Сир сырдык түннүгэр тэҥнээннэр
Нууччалар куораппын туппуттар

Бу ытык, кырдьаҕас куораппын —
Бу Орто Халыма куораппын.

Аттыгар өрүһүм күлүмнүүр,
Чуумпуран-нуурайан ылбахтыыр.
Ардыгар, долгуннуур-үрүҥнүүр,
Кытылын өҥ уунан ыспахтыыр.

Бу ытык, кырдьаҕас куораппар —
Бу Орто Халыма куораппар.

Хомолто, үөрүү да аргыстаах
Үйэлэр буомнарын туораата.
Бараммат быйаҥнаах-уйгулаах
Халыма сиригэр сырдаата

Бу ытык, кырдьаҕас куоратым —
Бу Орто Халыма куоратым.

Кэрэттэн кэрэҕэ угуйан,
Билиигэ-көрүүгэ уһуйан
Бар-дьоммор үтүмэн үтүөлээх,
Барҕарар, улаатар кэскиллээх

Бу ытык, кырдьаҕас куоратым —
Бу Орто Халыма куоратым!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".