МИН ЭҺЭЭБИН ТАПТЫЫБЫН Печать    
МИН ЭҺЭЭБИН ТАПТЫЫБЫН
Петр Одорусов тыллара, Валерий Егоров мелодията

Эһэм миэнэ кырдьаҕас,
Ол эрээри сымнаҕас.
Дууһалыын да аһаҕас,
Санаалыын да сайаҕас.

Хос ырыата:

Мин эһээбин таптыыбын!
Мин эһээбин хайгыыбын!
Бардаҕына ахтабын,
Кэллэҕинэ кууһабын.

Үөрэтиитин-этиитин
Үөрэ-көтө истэбин.
Сээркээн сэһэн кэпсээнин
Сэҥээрэбин мэлдьитин.

Хос ырыата.

Эһэм миигин таптыырын
Сэрэйэбин, таайабын.
Кинитэ суох букатын
Мүнүүтэ да буолбаппын.

Хос ырыата.

Муудараһын, сүр өйүн
Ылынабын, өйдүүбүн.
Эһээлээх диэн үчүгэй!
Эһээ баара дьиҥнээх дьол!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).