СИБЭККИТТЭН КҮН ТАХСАР Печать    
СИБЭККИТТЭН КҮН ТАХСАР
Петр Одорусов тыллара, Валерий Егоров мелодията

Сибэккигэ таммахтар
Күн уотунуу оонньууллар.
Тыыннаах сулус буоланнар
Тырымнаһа тыгаллар.

Хос ырыата:

Сибэккигэ — таммахтар,
Сибэккигэ — алмаастар,
Сибэккигэ — сулустар,
Сибэккиттэн күн тахсар!

Тыһыынчанан сулустар
Сиргэ кэлэн түспүттэр.
Чаҕылыйа сырдааннар
Алмаас тэҥэ кэрэлэр!

Хос ырыата.

Төгүрүччү сулус — күн!
Тула өттүм — тула күн!
Күлүмүрдүүр көмүс күн!
Кустук өҥүн көрөбүн!

Хос ырыата.

Улуу дьикти айылҕа
Уйгу быйаҥ таммаҕа
Сибэккинэн симэммит,
Сири-уоту киэргэппит.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).