МИН ОҔОМ Печать    
МИН ОҔОМ
В. Хон тыллара, Валерий Платонов мелодията

Чыычааҕы тутаары даллайар,
Чалбаҕы кэһээри дугдуҥнуур,
Үрдүгэр киэҥ халлаан кылбайар,
Иннигэр күөх хонуу тэлгэнэр.

Хос ырыата:

Мин оҕом — дьиэ хобо чуораана,
Тэлгэһэ ойуулаах туорааҕа,
Мээчигэ күн курдук бэһиэлэй,
Бэйэтэ күн курдук үчүгэй.
Туку-туку, туку-туку тук,
Туку-туку, туку-туку,
Буку-буку, буку-буку бук,
Буку-буку, буку-буку
Туку-туку, туку-туку тук
Туку-туку,туку-туку мин оҕом.

Ытаабыт эдьиийин ааттаары,
Оонньуурун хаалларан тиэтэйэ,
"Бүттэ" — диир, "эдьиий" — диир, "чээчэ" — диир
Ол кэннэ бэйэтэ мэрбэйэр.

Хос ырыата.

Күн көмүс куобаҕын хоонньоһон
Күнүһүн оҕокком утуйар,
АҺаҕас түннүккэ тайанан
Хатыҥчаан лабаата хоҥкуйар.

Хос ырыата.

Түүлүгэр мин оҕом көрүөҕэ
Сибэкки ыһыахтыыр сыһыытын,
Куп-кугас кулунчук от күөҕэр
Көҥүллүк көччүйэ сылдьарын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).