ЫАМ ЫЙА Печать    
ЫАМ ЫЙА
В. Башарин тыллара, Николай Бойлохов мелодията

Ыалдьытымсах хаһаайкалыы
Ыам ыйа мичээрийдэ,
Көрдөөх көҥүл, ырыа ыллыы
Күөрэгэйбит күөрэйдэ.

Хаар анныттан туртаһан
Ньургуһуннар быкпыттар,
Хамсыы-хамсыы ханыылаһан
Хоҥкуһа нуоҕастылар.

Оттуун-мастыын сэргэхсийэн
Оонньуох-күлүөх курдуктар,
Бары тэҥҥэ сиэттиһэн
Барыах-кэлиэх курдуктар.

Бырааһынньык буолан устан,
Бар дьоҥҥо уруй тута,
Кылбаарыйан-долгулдьуйан
Тиийэн кэллэ ыам ыйа.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).