НАММЫТ ДЬҮРҮЛ ХОМУҺА Печать    
С.Овчинников тыллара

Киирбит күннээх дойдубар
Килбиэн сарыал утаҕын
Миигэс ырыа таарыйан
Мичил күлэр күннэтэ.

Наммыт дьүрүл хомуһа
Захар уолбут куолаһа
Уостан сүппэт дуорааннаах
Ыччат салгыыр аналлаах.

Дьикти аптаах дорҕооннор
Дьиэрэҥ көтөр кистэлэ
Тылга тырым тыыннанар
Дьоллоох олох махтала.

Кылбар нуота кыырайан
Түүнүн сулус буолаллар,
Саһарҕаҕа уулланнар
Ымыы буолан дайаллар.

Итиҥ иэйэр ырыаҕа —
Өспөт үөрүү ыһыаҕа,
Айар айыл талааҥҥа
Айхал махтал бастыҥа.

Наммыт дьүрүл хомуна
Захар уолбут куолаһа
Уостан сүппэт дуорааннаах
Ыччат салгыыр аналлаах


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).