ТҮҮЛ Печать    

Күннүк Уурастыырап тыллара

Табыллан аанньатык сыппакка
Табаарыс, арай, түүл түһээбит.
Ол ону көҥүл тыл ылбакка
Уораммыт ырыанан этэбит.

Ачанан долгуйар алааска
Атынан айаннаан испитэ,
Арҕааҥҥы саҕаҕа - ырааска -
Атыттан ыстанан түспүтэ.

Унаар күөх кырыска дугунан
Уутааҕар чуумпуга хаампыта.
Онтон бэрт сотору уһуктан
Олустук соһуйан хаалбыта.

Сарсыарда чэй иһэ олорон:
"Бөлүүн мин ат миинним",- диэбитэ.
Онуоха, баҕатын толорон
Ийэтэ тойонноон биэрбитэ:

"Түүн түһээн ат миинэн айанныыр -
Кыыс оҕо сүктэрин төлкөтө".
Табаарыс саҥата суох чэйдиир,
Кыбыстан төбөтүн төҥкөтөр.

Кэнники кыыс тугу диэбитин
Эһиэхэ мин кыайан эппэппин,
Түүл ханна төлкөтө тиийбитин
Мин бэйэм даҕаны билбэппин.



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).