ОТЧУТТАР ЫРЫАЛАРА Печать    

П. Тулааһынап тыллара

Дьоруо-дьоруо аттарбыт
Тобугунан эриллэр,
Солко-иуолур отторбут
Суугунаһан эрэллэр.

Сиккиэр тыалбыт уһуктар
Симэх оппут хоонньугар,
Охсор хотуур тыаһыттан
Оту кытта оонньоһор.

Күһүн буолан, көлүйэм
Көҕөн куһун кытары
Күндү сайын ийэбит
Көтөн ааһыан дылытын,

Сүүрүк-сүүрүк аттарбыт
Сүһүөҕүнэн охсуллар,
Долгун суһуох оттору,
Доҕотторум, охсуоҕуҥ!

Сэлиик-сэлиик аттарбыт
Сиэллэринэн охсуллар,
Сүгүрүйэн тобуктаан
Сөһүргэстиир оттору

Итии салгын биһиэхэ
Имэрийэн аҕалар,
Куһуйбахтаан иһиэххэ,
Хорсуннаахай оҕолор!




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".