ТУГУН БЭРДЭЙ, КЭРЭТЭЙ Печать    
Н. Сергеев тыллара

Тугун бэрдэй, кэрэтэй
Туналыйар ыйдаҥа
Агаа кумах истиэбэр
Арылыйар сырдыга!

Ыраах уһун айаҥҥа
Ырыа күүскэ сатараан,
Хаамыстыбыт биир тэҥҥэ
Казах, нуучча, молдаван.

Томтор алын тэллэҕэр
Тохтоон табах тартыбыт,
Эдэр-чэгиэн эрэттэр
Эрчимирэн бардыбыт.

Санаан кэллим бу иһэн
Сахам сирин куһүнүн,
Көрдөөх дьоннор көрсүһэн
Күлэр, оонньуур түүммүтүн.

Күһүн буолан алааһым
Күрэҥсийбит тыатыгар
Ыйым тыган сандааран
Ыраас уотун куттаҕа.

Ийэ дойдум иннигэр
Ийэм миигин атааран,
Хомуллубут мин хоһум
Куруук күүтэ турдаҕа.

Күндү-кэрэ суругар
Куүтэр-ахтар биэбэкэм,
Ойуу-бичик сыттыгар
Уһуктаҕас сыттаҕа.

Улуу Лена эбэкэм
Уйгу-быйаҥ биэрэгэр
Күнүстэри, түүннэри
Күргүөм үлэ күүрдэҕэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).