КҮӨХ НУОҔАЙ МУТУКЧА Печать    
Күннүк Уурастыырап тыллара

Күөх нуоҕай мутукча
Долгуйа хамсаабыт,
Күн дьолун булбучча,
Уол кыыһы таптаабыт...

Кыыһыгар биэрээри,
Сибэкки үргээбит.
Тапталын этээри,
Чараҥҥа кэтээбит.

Арай, кыыс кэлбэккэ,
Уолбутун хомоппут,—
Сүрэҕин биэрбэккэ,
Сүрдээҕин соһуппут...

Ол киэһэ кыыс туран
Атыны булсубут,—
Илиитин туттаран,
Эйэргии олорбут.

Тарааҕын наҕыллык
Баһыттан араарбыт,
Таптыырын нарыннык
Баттаҕын тараабыт.

Дьол, таптал дьиҥнээҕин
Эдэр хатыҥ билбит,
Дьонноро кимнээҕин
Эппэккэ ньимийбит.

Ып-ыраас халлаантан
Ый кытта кэтэспит,
Ыраахтан, быдантан
Ымайа мэлдьэспит...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".