ПОХУОТ Печать    
Күннүк Уурастыырап тыллара

Илин, арҕаа диэкинэн
Иилии, хайа курдуура,
Ийэ сири иҥиэттэн
Итии түүнүм кууһара.

Үрүҥ көмүс сэбирдэх
Тэлибирии тыаһыыра,—
Үтүө-мааны мас тирэх
Хараҥаҕа хамсыыра.

Күлүмүрдэс сырдык уу
Арылыйа сүүрэрэ.
Күүстээх долгун суһумнуу
Ангараҕа түһэрэ.

Түүҥҥү барык быыһынан
Элбэх уоттар көстөллөр,
Кыынньар дьирим кыымынан
Көөнньөн, үөһэ көтөллөр.

Комсомоллар хомуллан
Похуотунан иһэбит,—
Хотолдьуһа долгуһан,
Лааҕырдарга тиийэбит.

Түүҥҥү барык түһүүтэ,
Түмсэн, тойук туойабыт.
Саҥа күммүт үүнүүтэ,
Сарсын суолу тутабыт.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).