КӨРҮҮЙ ДА, ДОҔОРУОМ, ЭН МИИГИН

Иннокентий Артамонов тыллара

Көрүмэ, доҕоруом, эн миигин
Кэрүмэ, көрүмэ күнүүлүү.
Соҕотох, соҕотох эйигин
Сүрэҕим сөбүлүүр, сөбүлүүр.

Көрүмэ, доҕоруом, эн миигин
Уорбалыыр, уорбалыыр санаанан,
Сүрэҕим, сүрэҕим иэйиитин
Эйиэхэ аныыбын, аныыбын.

Көрүмэ, доҕоруом, эн миигин
Элэктиир, элэктиир быһыынан.
Мэлдьитин, мэлдьитин кэрэтик
Эй ааккын ааттыыбын, ааттыыбын.

Көрүмэ, доҕоруом, эн миигин
Кэлэйбит, кэлэйбит киһилии.
Эн үөрүүй, эн үөрүүй билигин
Миэхэҕэ эйэргии, эйэргии.

Көрүүй да, доҕоруом, эн миигин,
Көрүүй эн, көрүүй эн харахпын.
Таптыыбын, таптыыбын эйигин,
Атыҥҥа барбаппын, барбаппын.