ЫРЫАТЫН ИҺИТ Печать    
Валерий Ноев тыллара

Сүрэхтэр кэпсэтэр кэмнээхтэр
Дииллэр дьон. Чахчы.
Харахтар, таайсаллар тапталы -
Эдэр сүрэхтэр.
Онтон эн, алаас, сыһыы оҕото
Күөрэгэй чыычаах,
Тапталы эйэҕэс ырыанан
Туойан дьырылат.

Дьыры-дьыры, дьыры-дьыры дьырылатар ырыанан,
Дьуру-дьуру, дьуру-дьуру дьурулатар ырыаҕын
Туойан дьырылат.

Арай эн хайыһан көрбөккүн
Мин диэки, куруук,
Сүрэҕим иэйиитин, ырыатын
Сонньуйа истэҕин.
Арай эн, алаас, сыһыы оҕото
Кэрэ кыысчааным,
Арай эн чыычаах ырыатын
Таптаан истэҕин.

Дьыры-дьыры, дьыры-дьыры дьырылатар ырыатын,
Дьуру-дьуру, дьуру-дьуру дьурулатар ырыатын,
Таптаан истэҕин!

Сарсыарда мин эрдэ туруоҕум,
Аларбар киириэм.
Күөрэгэй, доҕоччуок, дорообо,
Кэпсээ диэн тиийиэм.
Онтон эн, дьэ эн, таайбат тапталбын
Киниэхэ кэпсиэҥ.
Онтон эн, күөрэгэй чыычааҕым
Ырыатын иһит.

Дьыры-дьыры, дьыры-дьыры дьырылатар ырыатын,
Дьуру-дьуру, дьуру-дьуру дьурулатар ырыатын,
Ырыатын иһит!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).