КИҺИ ЭРЭ... Печать    
Марфа Куличкина тыллара

Мөһүүрэ толбонноох баттаҕыҥ,
Дьолунан мичээрдээх хараҕыҥ,
Нап-нарын сайаҕас бэйэккэҥ
Мин уубун уйгуурдар буоллулар.

Хос ырыата:

Киһи эрэ, киһи эрэ
Таптыах киһитэҕин эбээт, доҕоор, эн!

Эн буоллуҥ саас үүнэр сибэкким,
Сарсыарда саһарҕа сарыала.
Эн буоллуҥ мин эдэр сүрэҕим
Соҕотох сөбүлүүр доҕоро.

Хос ырыата.

Доҕоруом, итэҕэй эн миигин .
Эйигин эрэ мин таптыыбын,
Эйиэхэ тэҥнэһэр кэрэни
Кими да ханна да көрбөппүн.

Хос ырыата.

Миигинниин иккиэйэх түбэһэн
Кэпсэтэр түһэр да буолбаккыан,
Мин истиҥ санаабын сэрэйэн
Сүрэхпин уоскутан үөртэргиэн.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).