БЫРАҺААЙ, КҮӨХ САЙЫН БАРАХСАН Печать    
Валерий Ноев тыллара

Үөһэнэн ааһаллар турууктуу
Туруйалар.
Куруук күөх дойдуга көтөллөр,
Ыллыыллар:
«Быраһаай күөх сайын барахсан,
Эһиил көрсүөххэ диэри».
Төрөөбүт маардарын үрдүнэн
Кырыйа көтө
Кырдьаҕас туруйа эппитэ
Кэриэһин:
«Баҕар мин эргиллиэм суоҕа,
Быдан дьылга бырастыы!»
Арай уол туруйа аҕатын
Санаатын көтөҕөр:
«Суох, аҕаа, төннүөхпүт биһиги
Эргиллэн,
Быраһаай, күөх сайын барахсан!
Эһиил көрсүөххэ диэри».
Кэрэ саас эргиллиэ,
Кэлээриҥ,
Мин күүскэ кэтэһиэм,
Оччоҕо көрсүһүү ырыатын ыллыахпыт,
Ол кэрэ кэмҥэ дылы, этэҥҥэ
Эһиил көрсүөххэ диэри!
Быраһаай, күөх сайын барахсан,
Эһиил көрсүөххэ диэри!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).